На конститутивната седница на Локалното собрание на млади на Општина Охрид, за претседавач на Собранието беше избран нашиот ученик од трета година, Марко Бешироски. Во нашето училиште Марко е заменик-претседател на Ученичкиот совет. Му посакуваме многу успех и лесна работа во наредните две години.
„Им благодарам на делегатите за довербата која ми ја дадоа. Ќе го застапувам нашето училиште во најдоброто можно светло. Ќе ги претставувам желбите и потребите на младите од Општина Охрид во секое време. Ќе бидам достоен глас на младите пред градоначалникот, Советот на Општина Охрид, како и пред останатите институции.“
— Марко Бешироски, претседавач на ЛСМ на Општина Охрид
