На ден 05.05.2026, на часовите по предметот Право и државно уредување и во корелација со наставната програма, пред учениците од втора година, Економско-правна и трговска струка, беа реализирани едукативно-интерактивни предавања со проф. по Право М-р Надица Речкоска и претставниците од КПУ Затвор Охрид,Психолог-М-р Билјана Крлеска и Главен Командир на затворската полиција-Зоран Момироски.
Предавањата беа од едукативен и превентивен карактер на теми соодветни на возраста на учениците, со цел превенција и идно намалување на стапката на криминал извршен од страна на постари малолетници, чија категорија ја опфаќаат токму деца од 16 до 18 години.
Учениците, како деца кои спаѓаат во таа старосна граница а преку анализирање на реални случаи имаа можност да се запознаат со суровата реалност во случај на судири со закон.
Нашето училиште исто така со горенаведената институција има склучено Меморандум за соработка со што редовно се реализираат ваков тип едукативно-превентивни предавања.
