На ден 26.05.2025 година, под менторство на проф. М-р. Надица Речкоска – наставник по Право, пред учениците од втора година, Економско-правна и трговска струка, се реализираа едукативни предавања, каде со свое присуство не’ удостоија претставници од КПУ Затвор-Охрид: М-р Билјана Крлеска, психолог, Зоран Момироски, главен командир на затворската полиција, при што, посебен осврт беше ставен кон малолетничкиот затвор, односно затвор за деца, како единствен затвор од тој тип, на ниво на целата држава.
Целта на наведениот настан беше запознавање на учениците со работењето на затворската установа, ризик-фактори кои доведуваат лица на нивна возраст да се потенцијални сторители на казниви дела, запознавање со санкциите и одговорностите сразмерни на нивната возраст, последиците од истите, а со цел превентивно спречување на сторување казниви дела, намалување на стапката на деца сторители на кривични дела и соочување со мрачната страна на еден млад живот по извршувањето на кривично дело.
Беа презентирани случаи чии издржатели на затворски казни се лица на возраст над 16 години, во која ризична категорија спаѓаат и самите ученици.
Во рамки на денешниот настан, исто така беше продолжен Меморандумот за соработка кој беше склучен минатата година, помеѓу нашето училиште СОСУ Св. ,,Кирил и Методиј”-Охрид и КПУ Затвор – Охрид.
